Ecce aliquae precationes Christianae in Latina lingua:

In nomine Patris, et Filii, et Spiritus Sancti. Amen.

Pater noster, qui es in caelis,

sanctificetur nomen tuum, adueniat regnum tuum,

fiat uoluntas tua sicut in caelo et in terra;

panem nostrum cotidianum da nobis hodie,

et dimitte nobis debita nostra

sicut et nos dimittimus debitoribus nostris,

et ne nos inducas in tentationem,

sed libera nos a malo.

Amen

Aue Maria, gratia plena,

Dominus tecum, benedicta tu in mulieribus,

et benedictus fructus uentris tui, Iesus.

Sancta Maria, mater Dei, ora pro nobis peccatoribus,

nunc et in hora mortis nostrae.

Amen

Gloria Patri, et Filio, et Spiritui Sancto,

sicut erat in principio, et nunc, et semper,

et in saecula saeculorum.

Amen

Angele Dei, qui custos es mei,

me tibi commissum pietate superna

illumina, custodi, rege et guberna.

Amen

Requiem aeternam dona eis, Domine,

et lux perpetua luceat eis.

Requiescant in pace.

Amen

Angelus Domini nuntiauit Mariae,

et concepit de Spiritu Sancto.

(Aue Maria...)

Ecce ancilla Domini,

fiat mihi secundum uerbum tuum.

(Aue Maria...)

Et Verbum caro factum est,

et habitauit in nobis.

(Aue Maria...)

Ora pro nobis sancta Dei genetrix,

ut digni efficiamur promissionibus Christi.

Oremus. Gratiam tuam, quaesumus Domine, mentibus nostris infunde, ut qui angelo nuntiante Christi filii tui incarnationem cognouimus, per passionem eius et crucem, ad resurrectionis gloriam perducamur. Per eundem Christum Dominum nostrum.

Amen

Salue, Regina, mater misericordiae,

uita, dulcedo et spes nostra, salue.

Ad te clamamus, exsules filii Heuae,

ad te suspiramus, gementes et flentes in hac lacrimarum ualle.

Eia ergo, aduocata nostra, illos tuos misericordes oculos ad nos conuerte.

Et Iesum, benedictum fructum uentris tui,

nobis post hoc exsilium ostende.

O clemens, o pia, o dulcis Virgo Maria.

Regina caeli, laetare, alleluia

Quia quem meruisti portare, alleluia

Resurrexit, sicut dixit, alleluia

Ora pro nobis Deum, alleluia.

Credo in Deum, Patrem omnipotentem,

Creatorem coeli et terrae.

Et in Jesum Christum, Filium ejus unicum, Dominum nostrum,

qui conceptus est de Spiritu Sancto,

natus ex Maria Virgine,

passus sub Pontio Pilato,

crucifixus, mortuos, et sepultus:

descendit ad inferos:

tertia die resurrexit a mortuis:

ascendit ad coelos,

sedet ad dexteram Dei Patris omnipotentis:

inde uenturus est judicare uiuos et mortuos.

Credo in Spiritum Sanctum,

sanctam Ecclesiam catholicam,

sanctorum communionem,

remissionem peccatorum,

carnis resurrectionem,

uitam aeternam.

Amen.

Magnificat anima mea Dominum,

et exsultauit spiritus meus in Deo salutari meo,

quia respexit humilitatem ancillae suae.

Ecce enim ex hoc beatam me dicent omnes generationes,

quia fecit mihi magna, qui potens est,

et sanctum nomen eius,

et misericordia eius a progenies in progenies

timentibus eum.

Fecit potentiam in brachio suo,

dispersit superbos mente cordis sui;

deposuit potentes de sede

et exaltauit humiles,

esurientes impleuit bonis

et diuites dimisit inanes.

Suscepit Israel, puerum suum,

recordatus misericordiae suae

sicut locutus est ad patres nostros,

Abraham et semini eius in saecula.

Anima Christi, sanctifica me.

Corpus Christi, salua me.

Sanguis Christi, inebria me.

Aqua lateris Christi, laua me.

Passio Christi conforta me.

O bone Iesu, exaudi me.

Intra tua uulnera absconde me.

Ne permittas a te me separari.

Ab hoste maligno defende me.

In hora mortis meae uoca me.

Et iube me uenire ad te,

ut cum sanctis tuis laudem te in saecula saeculorum.

Amen

(litanie della Beata Vergine)

Kyrie, eleison - Kyrie eleison

Christe, eleison - Christe eleison

Kyrie, eleison - Kyrie eleison

Christe, audi nos - Christe, audi nos

Christe, exaudi nos - Christe, exaudi nos

Pater de caelis, Deus - miserere nobis

Fili Redemptor mundi, Deus - miserere nobis

Spiritus Sancte, Deus - miserere nobis

Sancta Trinitas, unus Deus - miserere nobis

Sancta Maria - ora pro nobis

Sancta Dei Genetrix - ...

Sancta Virgo uirginum -

Mater Christi -

Mater Ecclesiae -

Mater diuinae gratiae -

Mater purissima -

Mater castissima -

Mater inuiolata -

Mater intemerata -

Mater amabilis -

Mater admirabilis -

Mater boni consilii -

Mater Creatoris -

Mater Saluatoris -

Mater misericordiae -

Virgo prudentissima -

Virgo ueneranda -

Virgo praedicanda -

Virgo potens -

Virgo clemens -

Virgo fidelis -

Speculum iustitiae -

Sedes sapientiae -

Causa nostrae laetitiae -

Vas spirituale -

Vas honorabile -

Vas insigne deuotionis -

Rosa mystica -

Turris dauidica -

Turris eburnea -

Domus aurea -

Foederis arca -

Ianua caeli -

Stella matutina -

Salus informorum -

Refugium peccatorum -

Consolatrix afflictorum -

Auxilium christianorum -

Regina angelorum -

Regina patriarcharum -

Regina prophetarum -

Regina apostolorum -

Regina martyrum -

Regina confessorum -

Regina uirginum -

Regina sanctorum omnium -

Regina sine labe originali concepta -

Regina in caelum assumpta -

Regina sacratissimi Rosarii -

Regina familiae -

Regina pacis - ora pro nobis

Agnus Dei, qui tollis peccata mundi - parce nobis, Domine

Agnus Dei, qui tollis peccata mundi - exaudi nos, Domine

Agnus Dei, qui tollis peccata mundi - miserere nobis.

(litanie del Sacro Cuore)

Kyrie, eleison - Kyrie eleison

Christe, eleison - Christe eleison

Kyrie, eleison - Kyrie eleison

Christe, audi nos - Christe, audi nos

Christe, exaudi nos - Christe, exaudi nos

Pater de caelis, Deus - miserere nobis

Fili Redemptor mundi, Deus - ...

Spiritus Sancte, Deus -

Sancta Trinitas, unus Deus -

Cor Iesu, Fili Patris aeterni -

Cor Iesu, in sinu Virginis Matris a Spiritu Sancto formatum -

Cor Iesu, Verbo Dei substantialiter unitum

Cor Iesu, maiestatis infinitae -

Cor Iesu, templum Dei sanctum -

Cor Iesu, tabernaculum Altissimi -

Cor Iesu, domus Dei et porta caeli -

Cor Iesu, fornax ardens charitatis -

Cor Iesu, iustitiae et amoris receptaculum -

Cor Iesu, bonitate et amore plenum -

Cor Iesu, uirtutum omnium abissus -

Cor Iesu, omni laude dignissimus -

Cor Iesu, rex et centrum omnium cordium -

Cor Iesu, in quo sunt omnes thesauri sapientiae et scientiae -

Cor Iesu, in quo habitat omnis plenitudo diuinitatis -

Cor Iesu, in quo Pater sibi bene complacuit -

Cor Iesu, de cuius plenitudine omnes nos accepimus -

Cor Iesu, desiderium collium aeternorum -

Cor Iesu, patiens et multae misericordiae -

Cor Iesu, diues in omnes qui inuocant te -

Cor Iesu, fons uitae et sanctitatis -

Cor Iesu, propitiatio pro peccatis nostris -

Cor Iesu, saturatum opprobriis -

Cor Iesu, attritum propter scelera nostra -

Cor Iesu, usque ad mortem oboediens factum -

Cor Iesu, lancea perforatum -

Cor Iesu, fons totius consolationis -

Cor Iesu, uita et resurrectio nostra -

Cor Iesu, pax et reconciliatio nostra -

Cor Iesu, uictima peccatorum -

Cor Iesu, salus in te sperantium -

Cor Iesu, spes in te morientium -

Cor Iesu, deliciae sanctorum omnium - miserere nobis

Agnus Dei, qui tollis peccata mundi - parce nobis, Domine

Agnus Dei, qui tollis peccata mundi - exaudi nos, Domine

Agnus Dei, qui tollis peccata mundi - miserere nobis.

Dignare me laudare te, Virgo Sacrata.

Da mihi uirtutem contra hostes tuos.

Veni, sancte Spiritus, ueni per Mariam.